Мемлекеттік қызмет көрсету

Білім саласындағы жүйелі үрдіс-мемлекеттік қызмет көрсету

Мемлекеттік қызмет стандарты – МҚ көрсетуге талап қоятын, сондай-ақ үдерістің, форманың, мазмұны мен нәтиженің сипаттамаларынан тұратын нормативтік құқықтық акт.

         Мемлекеттік қызмет (бұдан әрі – МҚ) – қызметті пайдаланушылардың жүгінімдері бойынша жекелеген тәртіпте іске асырылатын және олардың құқықтарын, еркіндіктері мен заңды мүдделерін жүзеге асыруға, оларға сәйкес материалдық немесе материалдық емес игіліктерді қамтамасыз етуге бағытталған жеке мемлекеттік атқарымдарды іске асыру формаларының бірі.

МҚ регламенті – стандартты сақтау бойынша талаптар қоятын және қызмет көрсетушілердің қызмет тәртібін, соның ішінде өзге қызмет көрсетушілермен, халыққа қызмет көрсету орталықтарымен әрекеттестік тәртібін, сондай-ақ МҚ барысында ақпараттық жүйелерді қолдануды айқындайтын нормативтік құқықтық акт. 

 «Ақмола облысы білім басқармасының Қорғалжын ауданы бойынша білім бөлімі Жантеке ауылының жалпы орта білім беретін мектебі» коммунальдық мемлекеттік мекемесінде мемлекеттік қызмет көрсету жүйесі жүйелі атқарылып келеді. Мектепте білім алушыларға мемлекеттік қызмет көрсетудің бірнеше түрі ұсынылады. Атап айтсақ, білім алушыларды оқуға  қабылдау, негізгі орта, жалпы орта білім туралы құжаттардың телнұсқаларын беру, тегін тамақпен қамту, қала сыртындағы жазғы лагерьде демалуы, педагогтерді аттестациядан өткізу, бастауыш, негізгі орта, жалпы орта білім беру ұйымдарына денсаулығына байланысты ұзақ уақыт бойы бара алмайтын балаларды үйде жеке тегін оқытуды ұйымдастыру үшін құжаттарды қабылдау бойынша мемлекеттік қызметтер көрсетіледі. Жоғарыда көрсетілгендей мемлекеттік қызмет көрсету жұмыстары сапалы жүйеде қамтамасыз етіліп отыр.